Happy Anniversary Marulaya!
TRESE.
isang numerong minsan maswerte minsan hindi. Kinakatakutan lalo na kapag tumapat sa Friday na paboritong araw naman ni Rebecca Black... Fun fun fun! Well hindi naman si Rebecca ang bida kundi ang Org ng Marulaya Creative Scholars' Guild o mas Kilala bilang Magwayen noong unang 11 taon. Nagyon nakaabot na ito sa ika-13 taon sa Pamantasan ng Lungsod ng Maynila. Hindi naman ako ang pioneer na member ng organization na ito sa katunayan 2007 lang ako nakasama dito at mailang projects na rin ang aking sinamahan at nakibahagi ng aking oras, pagod, pera, at marami pang iba.
Although wala na ako sa PLM ay buo pa rin ang aking passion sa performing arts dahil sa org na ito. Para siyang droga (by the way hindi pa ako nakatikim nun), na hahanap hanapin mo sa tuwina lalaao na sa mga oras ng walang magawa at sa matinding kalungkutan. Higit pa run ang samahan ng mga talented na kasama na dumaan rin sa butas ng karayom upang mag audition tulad ko. Bawat isa sa kanila ay mayroon din espesyal na talent (at misnan attitude) na unique at nagbibigay buhay lalo sa samahan.
Mula sa mga dula, concerts, one act plays, street play, segment number, at maging sa pagsabak sa iba't ibang contest napagdaanan na ng org sa unang dekada pa lamang. Kaya nga ang mga alumni o elders ay hindi rin makatiis na kamustahin at "medyo" makialam para masiguro na buhay ang org. Ang 13 ay maaring maituturing na bata pa sa industriya, parang tinedyer na papasok pa lamang sa high school. Ngunit ang batang ito at isang PROTEGE, na aangat sa iba. Isang taong may masidhing pagnanais na magbahagi at maipamalas ang talento. Ang motto niya ay " ang talent at laging nababahagi at nalilinang dahil kinulob ito, babaho ito at magigigng utot" .
Sa inyo na nakakabasa, hindi isang perpektong organisasayon ang Marulaya. May mga oras din ng kalungkutan at pighati, may mga oras ng mga tampuhan at samaan ng loob. Sa loob ng 13 taon, marami pa ang inaasahang mangyari. Marami pa ang pinapangarap na maabot. At marami pang kabataan ang nais maging bahagi nito upang magpakitang gilas hindi lang sa loob ng Pamantasan kundi pati na rin sa buong mundo.
Ngayong TRESEng taon na, ano ang ating kapalaran, Malas ba o Swerte?
Kudos Marulaya!